తరుణం

ఎదిగి ఒదుగుతూ

కరుగుతున్న తరుణం

చిరు జల్లు కోరుకున్నా ..

మంచువాన కురిపిస్తే

తట్టుకోలేక వణుకుతున్నా

వెచ్చని స్పర్శల చినుకు

జీవితాన్ని యిస్తున్దనుకున్న

శీతల శవ స్పర్స

పాల రాతి సమాధి కట్టింది

ఇప్పుడు నేనొక తాజమహల్ని

నా చుట్టూ ప్రేమ సందర్శకులు

ఎడతెగని అన్వేషణ నేను

నీకు అనునిత్య స్వాగత తోరణం

ఆకాశం ఒక అవకాశం

శూన్యాకాశం
అనేకావసరాలు
ఆకాశమంటే
అవకాశమా..?

వేటాడే చేపలు

చెరువు
అమ్ముడుపోయింది
చేపలు
వేట వెతనేర్చుకోవాలి

కరువు

చెట్టే
పిందేలమ్ముకుంటుంది
పండ్లకు
కరువు

శూన్యాకాశం

శూన్యాకాశం


దివ్యత కలిగి దైవం కావచ్చు
విద్య వల్ల పుంభావ సరస్వతి కావచ్చు
స్వరూపం అపర మన్మదునివేమో
ఐశ్వర్యం లో లక్ష్మీ పుత్రునివేమో
మరేమో ఇంకేమో ఏమేమో కవచ్చేమో
అధికారం తో వచ్చిన అహం అగు గాక
పొగడ్తల వల్ల వచ్చిన పొగరు అగు గాక
గెలిచానని మోసగించానని గేలి సేతివేమో
అనుభవించి అనుబంధం తుంచుకున్నందుకు ఆనందమేమో
అభిమానాన్ని గుర్తించ లేని కీటక ధర్మం
నాకు నువ్వు వద్దు వద్దు వద్దు
క్రిములతో క్రీడలు వద్దు
నీ నీడల చాయలు నాకు వద్దు
శూన్యాకాశం నాకు ముద్దు